माजी विद्यार्थी देणगी आवाहन

मो. ह. विद्यालयातील शिक्षकांनी माझ्यात रुजवलेले नेतृत्व गुण, अडचणींना तोंड देण्याची क्षमता, आव्हानांना सामोरे जाण्याची उर्मी, नियोजनातील काटेकोरपणा इत्यादी गुणांमुळेच मी यशस्वी होऊ शकलो.

शाळेने वक्तशीरपणाची शिस्तीची जी सवय लावली ती आयुष्यभर उपयोगी पडली . 'कायद्याचे पालन हा संस्कृतीचा एक भाग झाला पाहिजे.', ही शिकवण शाळेने दिली.

मो. ह. विद्यालयातील शिक्षकांनी माझं आयुष्य समृद्ध केले.

'विद्यार्थ्यांना बोलते करणारी माझी शाळा.'
आज शहरात अनेक माध्यमांच्या शाळा जरी उभ्या राहत असल्या तरी, मो. ह. शाळा ही सगळ्याच शाळांसाठी आदर्श ठरली आहे. त्यामुळे इथे शिकणाऱ्या प्रत्येक विद्यार्थ्याला या शाळेचा सार्थ अभिमान वाटतो.

वैद्यकीय क्षेत्र हा व्यवसाय नसून , रुग्णसेवेच्या माध्यमातून 'ईश्वर सेवा 'करण्याची संधी आहे. अशी शिकवण देणारी माझी शाळा!

शाळा विद्यार्थ्यांवर संस्कार करत असतेच पण यापेक्षा 'मी' काहीतरी 'वेगळं 'करू शकतो हा आत्मविश्वास मला मो. ह. शाळेने दिला . 'अपयश आलं तर खचून जायचं नाही, आणि यश आलं तरी हवेत उडायचं नाही.', हे शिकवलं माझ्या शाळेने.

चित्ररम्य आठवणींचा कोलाज म्हणजे माझी शाळा!

आयुष्यात घाबरून चालणार नाही, आपण निडर बनायला हवं. उत्तुंग भरारी मारण्याचे बळ माझ्या पंखात केवळ शाळेमुळेच आले.

शाळेत काही वाईट ' उद्योग' केला की शाळेत 'मार' आणि 'शाळेत' मार खाल्ला म्हणून 'घरी' मार! पण, यामुळेच मी घडलो, शाळेनेच मला घडवलं.

जीवनात आई जशी महत्त्वाची तशी शाळा ही महत्त्वाची आहे. माझ्या आईने जे माझ्यावर संस्कार केले, तसेच संस्कार माझ्या शाळेतील शिक्षकांनी केले. मो. ह. शाळेने नेहमीच विद्यार्थ्यांमधील 'कलावंत 'जागा करण्याचा प्रयत्न केला आहे.

खेळ आणि अभ्यास यांचा उत्तम मेळ साधत येतो, याचा उत्तम वस्तूपाठ मो. ह. विद्यालय आहे.